Ermuko Hiri Antolamendurako Plan Orokorra 2015eko martxoaren 16an behin betiko onartu ondoren hasi zen Buenos Aires bizitegi-zerbitzuaren proiektua garatzen. Plan honek hiriaren eta bertako bizilagunen beharrak aztertzen ditu, eta egunero erabiltzen ditugun azpiegiturak, etxebizitzak eta ekipamenduak hartuko dituzten lurzoruak erreserbatzen ditu.
HAPO udalerriaren lurraldea modu integralean antolatzeko tresna da, eta epe luzera lurzoruaren erabilera-eredua definitzen du, haren sailkapenetik abiatuta eta hirian elkarrekin bizi diren jarduera anitzak, horien antolaera eta intentsitatea arautze aldera formulatzen diren plangintza-aukeren haztapen kualitatibotik abiatuta.
- Hiri-bilakaeraren eta lurzoruaren okupazioaren estrategia ezartzen du udalerri osoan.
- Hiri-lurzoruan eta lurzoru urbanizagarrian gehieneko eraikigarritasunak adierazten ditu, baita biztanleriaren ongizaterako egokiak diren zuzkidurak ere; eta lurzoru urbanizaezinean lurzoru hori babestearekin bateragarriak diren erabilerak zehazten ditu.
- Birgaitu beharreko eremuak eta udalerriko ondare urbanizatu eta eraikia babesteko arauak mugatzen ditu, eta, era berean, lurzoruaren erabilera eta haren gainean mota guztietako obrak baimentzeko baldintzak arautzen ditu.
Ermuko Hiri Antolamendurako Plan Orokorra
Promozio honetarako interesatzen diren eremuen fitxak honako hauek dira: A-08 Zubiaurre (42. orrialdea) eta A-09 Zerukoa (47. orrialdea). Jarraian, Buenos Aires Egoitza eraikiko den eremuaren fitxak adierazten duena azalduko dugu, baita ondoko unitateak (A-09 Zerukoa) dituen ondorioak ere.